दिपायल सिलगढी नगरपालिका पूर्ण खोप सुनिश्चितता पालिका घोषणा

२८ जेठ, २०८०

डोटीको दिपायल सिलगढी नगरपालिकालाई पुर्ण खोप सुनिश्चितता तथा दिगोपना पालिका घोषणा गरिएको छ ।

जिल्ला समन्वय समिति डोटीका उप प्रमुख स्मृति चुनाराले आईतबार दिपायल सिलगढी नगरपालिकालाई एक कार्यक्रमका बीच निश्चित इन्डिकेटरका आधारमा पूर्ण खोप सुनिश्चितता नगरपालिका घोषणा गरेकी हुन । दिपायल सिलगढी नगरपालिका सबै वडालाई पूर्ण खोप सुनिश्चितता तथा दिगोपना घोषणा गरि सकियको थियो ।

पालीकाका सम्पूर्ण बालबालिकाहरुले पूर्ण खोप लगाएको तथ्याङ्क र सूचकका आधारमा पूर्ण खोप सुनिश्चितता घोषणा गरिएको र डोटीमा हरेक बर्ष ४ हजार ५ सय देखि ५ हजार सम्म बालबालिका जन्मने गरेको जिल्ला स्वास्थ्य कार्यालयका प्रमुख रमेश मलासीले बताए ।

दिपायल सिलगढी नगरपालिकामा ४२ जना कुनै पनी खोप नलगाएका बालबालिका भेटिकामा सबैलाई खोप लगाइ सकिएको बताइएको छ ।नगर भित्रका बालबालिकालाई १३ प्रकारका खोप लगाइएको थियो ।

पहिले पहिले खोप नआएका कारणले बालबालिकाहरुले अकालमै ज्यान गुमाउनु परेको र अब हरेक किसिमका खोपहरुले बालबालिकालाई विभिन्न रोगबाट आक्रमण हुन नदिन आउने दिनमा सबै बालबालिकालाई पुर्ण रुपमा खोप लगाउन जिल्ला समन्वय समिति डोटीका उप( प्रमुख स्मृति चुनाराले बताइन ।

भगवान् रुपि स्वास्थ्य कर्मिहरुको महत्त्वपूर्ण योगदानले आज नगरपालिकालाई पूर्ण खोप सुनिश्चितता तथा दिगोपना पालिका घोषणा गर्न सफल भएको दिपायल सिलगढि नगरपालिकाका प्रमुख बाजि सिह खड्का (बिजयले) बताए ।