चट्याङ लागेर डोटीमा एक महिलाको मृत्यु ,एक घाइते

६ जेठ, २०८२

जेठ ५ डोटी :डोटीमा चट्याङ लागेर एकजना महिलाको मृत्यु भएको छ । जिल्लाको पुर्वीचौकी गाउँपालिका २ वाडीमा सोमबार साझ चट्याङ लागेर घाइते भएकी प्रेम सिंह साउदकी श्रीमती वर्ष ४० कि देउमती साउदको मृत्यु भएको हो ।

उनलाई उपचारका लागि जिल्ला अस्पताल,डोटीमा पुर्‍याउँदा डाक्टरले मृत घोषणा गरेको छ ।उनको पेट र अनुहारमा गम्भीर चोट लागेको थियो ।

त्यस्तै बगलेक स्वास्थ्य चौकीमा कार्यरत अनमि ३६ वर्षकी अस्मिता ओली विष्ट चट्याङ लागेर घाइते भएकी छन् । उनको जिल्ला अस्पताल डोटीमा उपचार भइरहेको छ । उनको दायाँ पाखुरामा चोट लागेको भए पनि अवस्था मध्यम रहेको अस्पतालले जनाएको छ।