डोटीमा माटो खन्ने क्रममा च्यापिएर थप एक महिलाको मृत्यु,

११ चैत, २०८०

डोटी : माटो खन्ने क्रममा च्यापिएर डोटीमा आज आइतबार थप एक महिलाको मृत्यु, भएको छ । शनिवारको भएको घटना सेलाउन नपाउँदै माटो खन्ने क्रममा आईतवार थप एक महिलाको मृत्यु भएको छ ।

जिल्ला प्रहरी कार्यालय डोटीका सूचना अधिकारी, प्रहरी नायव उपरीक्षक निशान्त श्रीवास्तवका अनुसार आज दिउँसो साँढे २ बजेतिर माटो खन्ने क्रममा पुरिएर आदर्श गाउँपालिका–२ कुचेडाकी ६० वर्षीय भागादेवी ओझाको मृत्यु भएको हो ।

माटो खन्ने क्रममा माटोको ढिस्कोमा पुरिदा ओझाको मृत्यु भएको हो । उहाँसँगै माटोमा पुरिनुभएकी ५० वर्षीया पार्वती खड्काको भने उद्धार गरिएको प्रहरी नायव उपरीक्षक श्रीवास्तवले जानकारी दिनुभयो । अहिले उहाँको जिल्ला अस्पताल डोटीमा उपचार भइरहेको छ ।