संगीत विद्यालय स्थापनाका लागी डोटी महोत्सवको आयोजना

१८ फाल्गुण, २०८०

कृष्ण चन्द -डोटीमा संगीत विद्यालयको शिलान्यास गर्नका लागी डोटी सांस्कृतीक तथा पर्यटन महोत्सव आयोजना गरीएको छ । रेडीयो डोटीको नियमित स्तम्भ नागरीक सवालमा कुराकानी गर्दै डोटी सांस्कृतीक तथा पर्यटन महोत्सव मुल आयोजक कमिटिका अध्यक्ष गोपाल सुचीकारले यस्तो बताएका हुन ।

मुख्य लक्ष्य डोटीमा संगित विद्यालय स्थापना गर्नु रहेको उनले बताए । संघका अध्यक्ष सूचिकारले महोत्सबमा स्थानीय कला संस्कृति र पर्यटन क्षेत्रको विकास तथा प्रचार प्रसार गर्ने उद्देश्यले महोत्सबको आयोजना गरीएको बताए ।

उनले विगतमा अन्य संस्थाहरूले आयोजना गरेका महोत्सब भन्दा यो महोत्सब फरक हुने समेत दाबी गरे । महोत्सवमा स्थानीय कलाकारहरूलाइ बढीभन्दा बढी प्राथमिकता दीईने जानकारी सूचिकारले दिए ।“हाम्रो कला र संस्कृती गौरवपुर्ण सान, कलाकर्मीको उत्थानको लागि हाम्रो अभियान भन्ने मूल नाराका साथ सुरु भएको महोत्सवको बिहिवार उद्घघाटन गरिएको छ ।

राष्ट्रिय संगीतकर्मी संघ, डोटीको आयोजनामा सुरु भएको महोत्सब फागुन २७ गतेसम्म चल्ने छ । महोत्सब अबधिभरी ५० लाखको कारोबार गर्ने र २० देखी ५० हजार दर्शकले अबलोकन गर्ने आयोजकको दाबि छ । महोत्सवमा आकर्षकको रुपमा सेती नदीमा र्‍याप्टिङ्ग, स्थानिय तथा राष्ट्रिय कलाकारहरुको बेजोड प्रस्तुती रहने छन ।