बाख्रापालक किसानलाई बिभिन्न प्रजातीका घाँसका बिरुवा बितरण

१७ श्रावण, २०८१

गंगा पार्की डोटी - बाख्रापालक किसानलाई डाले तथा भुइँ घासका बिरुवा बितरण गरीएका छन । सामुदायिक बिकास मञ्च सिडिएफ नेपाल डोटीले डोटी जिल्लाको शिखर नगरपालिका वडा न ४ , ५ र दिपायल सिलगढी ८ का बाख्रापाल किसानलाई विभिन्न प्रजातिका डाले तथा भुइँ घासका बिरुवा बितरण गरेको छ ।

गुड नेवर्स इन्टरनेसनल नेपाल को आर्थिक तथा प्राबिधिक सहयोग र सामुदायक बिकास मन्च सिडिएफ नेपाल डोटीको साझेदारी मार्फत कार्यान्वयन भैरहेको एकीकृत सामुदायिक बिकास परियोजनाले आफ्नो कार्यक्षेत्र भित्र पर्ने शिखर नगरपालिका वडा न ४,५ र दिपायल सिलगढी वडा न ८ मा बाख्रा पालन गर्दै आएका करिव १०० जना कृषकलाई डिभिजन वन कार्यालय डोटी र सव डिभिजन वन कार्यालय दुर्गामाण्डौ सङ्ग समन्वय गरि डाले घाँस अन्तरगत किम्बु, इपिल बकाइनो , भिमल,च्युरी,लहरे पिपल र जिल्ला बाहिर घाँस फार्म बाट रेड नेपियर, सुप्र नेपियर, स्मार्ट नेपियर , बदामे, भट्टमासे, सुम्बास्टेरिया प्रजातिका भुइँ घासका बिरुवा खरिद गरि किसानलाई बितरण गरिएको एकीकृत सामुदायिक बिकास परियोजनामा कार्यरत कृषी प्राबिधिक निरज बोगटीले बताए

साथै उनले डाले तथा भुइँ घाँस बितरणले कृषक बर्गमा हिउद र जेठ असारमा हुन्ने घासको समस्या कम हुनुका साथै बितरण गरिएका घाँसहरु पोषकयुक्त्त भएकाले तिनको प्रयोग बाट बाख्रापालन ब्यवसाय अझै फ्स्टाउने अपेक्षा रहेको जानकारी गराउनु भयो ।

परियोजना बाट लाभान्वित कृषकहरुले परियोजना बाट उपलब्ध गरिएको डाले तथा भुइँ घाँस का बिरुवाले आफुहरुलाई निकै राहत पुगेको र आगामी दिनमा पनि यस्तै सहयोग मिलेमा आफुहरुले बाख्राको संख्या बढाउनुका साथै व्यवसायलाई पनि वृद्धि गर्दै लैजाने बताएका छन ।