डोटीका उच्च लेकाली भेगमा हिमपात हुदै,

२४ मङ्सिर, २०८१

डोटी- पहाडी जिल्ला डोटीमा गएरातिदेखी हिमपात शुरु भएको छ । हिमपातका कारण यहाँको जनजीवन प्रभावित भएको छ । हिमपातसँगै भारी वर्षाका कारण डोटीका लेकाली बस्ती हिउँले सेताम्य भएका छन् ।हिमपातका कारण स्थानीयवासी घरबाहिर निस्किन सकिरहेका छैनन् । जिल्लाको बग्लेक ,बडिकेदार गाउँपालिकाको खड्यौली, अतरकाडा, बडिकेदार धाम, लगायत क्षेत्रमा हिमपात भएको छ ।

त्यस्तै बोगटान फुड्सिल गाउँपालिकाका विभिन्न ठाउँमा हिमपात भएको छ । हिमपात र वर्षा भएपछि यहाँका पानी नलाग्ने लेकाली भेगका किसान खेती सप्रिने आसामा रहेका छन् ।पानी नपरेर गहुँ सुक्ने अबस्थामा पुगेका थिए हिजो राती देखि वर्षा संगै हिमपात भए पछि गहुँ लगायत खेती समेत सप्रिने स्थानीयको भनाई रहेको छ ।