Local no image

Published on August 15th, 2018 | by radiodoti

0

महाकालीका बाढीपीडित घर फिर्ता

साउन३०-कञ्चनपुरको महाकाली नगरपालिका–१० का जगबुढा नदीको बाढीका कारण विस्थापनमा परेका परिवार घर फिर्ता भएका छन् । नगरपालिकाको शान्ति टोल, गिरी टोल, प्रतिभा टोल र गुरुङ टोलका बासिन्दा बाढीको पानी घटेपछि घर फिर्ता भएका हुन् ।

बाढीको पानी टोलमा पस्दा ३० परिवारका १८४ जनाले घर छाडेर सुरक्षित स्थानमा गएका थिए । अपाङ्ग, गर्भवती, वृद्धवृद्धा र बालबालिकालाई स्थानीय विद्यालयमा राखिएको थियो । अन्य स्थानीय आफन्तका घरमा शरण लिन बाध्य भएका थिए ।

पानी पर्ने क्रममा कमी आएसँगै डुबानमा परेको बस्तीको पानी घटेपछि स्थानीय बासिन्दा मङ्गलबार साँझदेखि नै घर फिर्ता हुने क्रम शुरु भएको जिल्ला आपत्कालीन सञ्चालन केन्द्रका जनक पन्तले बताउनुभयो । महाकाली नदीको बाढीले भत्काउन थालेको बाँधसमेत नेपाल प्रहरी, सशस्त्र प्रहरी र स्थानीय बासिन्दाको सहयोगमा मर्मत गरिएको छ । महाकाली नदीमा पानीको बहाव घटेपछि चारपाङ्ग्रे सवारीसाधनमा लगाएको रोकसमेत हटाइएको छ ।


About the Author



Leave a Reply

Your email address will not be published. Required fields are marked *

Back to Top ↑
  • हाम्रो आवाज Live सुन्नुहोस् !!

  • स्थानीय

  • कार्यक्रमहरू

    1. 02 Malai Dukhda Rune Mann 3:56
    2. Timi bhulma - Amber gurung artist 4:50
  • Find us on Facebook